LYRIC

Thawj zaug kuv ntsib koj,
Kuv yeej paub koj yog kuv tus,
Tus kuv niaj hnub tos,
Tus kuv ib txwm npau suav pom.

Thawj hnub wb sib ntsib,
Kuv yeej paub koj yog kuv li,
Tus kuv ntshaw thiab xav tau,
Saum neej no thiab hauv nruab dab.

Lub cev lub siab tseg rau koj kav,
Ua tus tswv mus tag ib sim neej,
Kom tag lub ntuj thiab tag daim av,
Koj yog txhua tsav yam ntawm kuv tus kheej.

Yog tias hnub twg tsis muaj koj lawm,
Hnub ntawd ces tsis txhob muaj kuv thiab,
Vim tias koj yog tus kuv khi siab rau,
Kom tag kuv lub cev thiab txoj sia.

Tus kuv ua hnub nrhiav ua hmo tos,
Nws yog koj tus kuv xav ua lub neej nrog,
Nws yog koj tiag no,
Tus kuv ib txwm nrhiav yog koj.

Thawj zaug kuv pom koj,
Tsis tau nrog koj tham ib los,
Ntsia koj xwb yeej paub,
Tias koj yog kuv me nplooj siab.

Nrhiav koj tau ntau xyoo,
Txog hnub no mam ntsib koj,
Koj yog tus kuv ib txwm,
Xaiv tau hauv nruab siab los ntev.

Koj yog tus neeg tshwj xeeb rau kuv,
Yog tus cawm seej hauv txoj kev ntseeg,
Koj yog thawj tug thiab yog tus kawg,
Yog tus kuv txhawj txog txhua lub sib hawm.

Kuv hlub koj tshaj ib puas tsav yam,
Kuv nco koj tshaj qhov kuv hais tau,
Muab kuv txoj sia pauv los kuv yeej kam,
Ua txhua yam rau koj kuv yeej txaus siab ua.

Txawm ib hnub haus peb dia dej xwb,
Txawm tiv tshav tiv nag noj qab noj tsuag,
Txawm yuav muaj yuav pluag,
Kuv yeej tsis tib tsuas muaj koj.

Repeat 2nd to the last verse to the end.

Added by

yang

SHARE

ADVERTISEMENT