LYRIC

Xyoo Tshiab los txog lawm, nej puas nco peb
Xyoo Tshiab los txog lawm, peb tseem nco nej
Peb xav pom nej hnav tsoos Hmoob, sia npib nyiaj npib hob
Nej tuaj tsheej pab tom tshav qaib, tuaj nrog peb pov pob

Xyoo Tshiab los txog lawm, nej puas hlub peb
Xyoo Tshiab los txog lawm, peb tseem hlub nej
Peb xav hnov nej hais kwv-txhiaj, seev yees saum sam-thiaj
Nej tseem khaws Hmoob tej txuj ci, nej yog neeg tsim-txiaj

Nyob zoo Xyoo Tshiab, nej puas zoo siab
Nyob zoo Xyoo Tshiab, peb zoo-zoo siab
Tseem muaj hluas nkauj Hmoob zoo li nej, nyob haud lub ntiaj teb no
Peb xav tias muaj hmoo peb tau nej, yuav hlub nej mus tsis tso

Xyoo Tshiab los txog lawm, nej xav dab tsi
Xyoo Tshiab los txog lawm, peb xav ua si
Peb xav nrog nej sib tuav tes, mus fim tej phooj ywg
Lawm xav pom nej zoo li cas, seb nej yog leej twg

Xyoo Tshiab los txog lawm, nej puas yuav peb
Xyoo Tshiab los txog lawm, peb xav yuav nej
Thov nej txais pej lub nplhaib kub, nrog peb sib cog lus
Khaws cia ua puav pheej sib hlub, qhaib nej ua peb tus

Added by

yang

SHARE

ADVERTISEMENT