Tus muam xov tooj cua Hmoob Thov koj tso ib zaj nkauj pub
Hmo no kuv lub siab khoob Vim kuv swb tus neeg kuv hlub

Tus muam xov tooj cua Hmoob Kuv tsis paub ua cas nws tso
Ua rau kuv xav tsis thoob Tiam sis, nkaug kuv lub siab to

Thov tshaj tawm hais tias, tiam no tu siab
Lwm tiam tso mam pib dua tshiab
Chim lub siab tas npauv Yuav muab lub siab xauv
Nyob ua nraug seem mus xya xyoo Li cas los thov kom nws mus zoo

Tus muam xov tooj cua Hmoob Ua siab ntev tos kuv ib pliag
Tsam no kua muag yuav poob Tseg tsis tau nws lub xub ntiag

Tus muam xov tooj cua Hmoob Ua tsaug rau koj lub sij hawm
Ntshe muaj neeg hu koj coob Thov txim kuv tham ntev zog lawm