Hnub no kuv ntsia koj txawv
Tsis zoo li tus thaum ub
Thaum koj tseem hais
luag ntxhi rau kuv
Puas yog koj zais tsis qhia kuv

Tsis txhob muab nws zais cia
Txhob ntshai tsam kuv ho paub
Kuv yeej tsis txiav
qhov koj xav tau
Tsuas koj paub nws zoo rau koj

-chorus-
Txawm kuv hais koj npaum li cas
Txawm kuv qhia npaum cas
Ntshe, koj yuav tsis
rov qab los lawm
Kuv tsis paub xyov yuav ua cas

Txawm kuv hlub koj npaum li cas
Txawm kuv mob npaum cas
Ntshe, koj yuav tsis
zoo li qub lawm
Kuv mam ua ib siab tso koj
Li koj siab xav

-repeat chorus-

Ntshe muaj tus hlub koj tshaj
Li thaum kuv nrog koj nyob
Koj thiaj ua tau
siab phem rau kuv
Tso kuv tseg tsis hais ib los

Tsuas yog luag ua txhua yam
Rau koj li thaum kuv ua
Hlub koj tshaj li
thaum kuv hlub koj
Ces nws yeej zoo kuv lub siab

-chorus-

Ua siab tso koj

Txawm kuv hais koj npaum li cas
Txawm kuv qhia npaum cas
Ntshe koj yuav tsis
zoo li qub lawm
Kuv tsis paub xyov yuav ua cas

Txawm kuv hlub koj npaum li cas
Txawm kuv mob npaum cas
Ntshe koj yuav tsis
rov qab los lawm
Kuv tsis paub xyov yuav ua li cas

repeat last two verses