LYRIC

nws hais tias nws tsis xav hlub ib zaug ntxiv
vim yav tag luag tau ntxias dag nws siab
tej hmo thaum ntuj kaj nws ntsia saum lub hli
saib thaum twg mam ntsib tus hlub tiag

tag nrho nws cov phooj ywg muaj tus hlub txhua tus
tshuav nws ib leeg thiaj tsis muaj tus hlub
tej hnub thaum ntuj kaj nws ntsia saum cov huab
saib seb puas tseem tshuav ib tug neeg zoo

[chorus a]
nws nyob ib leeg txias to hauv nws lub tsev pheej suab
tsis muaj leej twg los nrog nws txuas lus
lub kua muag thiaj li ntws tag mus li ntawm nws lub plhu
tsis muaj leej twg so leej twg hlub

[instrumental]

muaj ib hnub nws thiaj ua ib siab xav tias
ntshe nws yuav nyob ib leeg mus ib txhis
nws thiaj ncig mus xyuas nws tej qub chaw ua si
ua zaum kawg tsis rov qab los lawm ntxiv

mus txog lub roob uas nws ntsib nws tus hluas
uas yog nws tus thawj hlub hauv nws lub neej
tus hluas nyob ntawv tos txij hnub uas lawv sib tso
nws hais tias nws tau tos los lawm ntev

[chorus b]
txoj kev hlub los ib vuag zoo li cua tshuab ntxuav mus
yog tsis tuav tsuag tsuag ces yuav ploj mus
hauv lub neej thawj tug hlub qee zaum thiaj yog tus hlub tiag
thiaj yog tus uas yuav hlub mus tag ib txhis

Added by

yang

SHARE

ADVERTISEMENT