Hmo no kuv xav txog koj ib leeg
ntsia mus qhov twg los tsau ntuj nti
hmo no koj puas nco kuv
Vim hmo no kuv nco txog koj
me nkauj hmoob tus kuv xav txog
koj puas paub kuv nco koj hmo no

Rap 1
Tos tsis tau lub sij hawm rov qab tuaj nrog koj tham
nrog koj nyob li yav tas lub hli nra kuv puag koj ntsiaj lub ntuj
muaj hnub qub ci ntsa iab kuv lub siab tsis txawj ntxhov vim
muaj koj tuav kuv tes hu kuv npe tsis tseg
Tag kis tso mam tuaj tsis txhob quab tsis txhob txhawj
vim sij hawm kev ncua deb kuv tsav tsheb tuaj lawm ib hnub
tsis tsaus ntuj tsis txog koj tsev ua siab ntev mog tus kuv hlub
muaj ib hnub wb yeej yuav sib ntsib kuv mam qhib kuv siab rau koj
Thaum kuv saib koj daim duab
zoo li koj nyob ntawm kuv ib sab
thaum kuv hu koj hauv xov tooj
koj lub suab qab zib tshaj plaws

Rap 2
Koj puas paub hauv kuv siab xav txog koj lub me xub ntiag
puag kuv cia sov sov thaum sawv ntxov yav tag los puas txawj
kho koj lub siab li kuv thiab nas leej muam hmoob
vim txoj hmoo zoo kuv thiaj nco koj tsis tseg
hmo no ntshe yuav pw tsis tsheej koj tus kheej puas nco kuv thiab
thov qhib siab hauv kev npau suav tsis txhob rhuav wb txoj kev hlub
thov koj pub sij hawm kuv thiab me nplooj siab ua tus neeg zoo
wb txoj hmoo los txog ntawm tes tag kis ces yuav tuaj cuag koj
Thaum kuv saib koj daim duab
zoo li koj nyob ntawm kuv ib sab
thaum kuv hu koj hauv xov tooj
koj lub suab qab zib tshaj plaws

Rap 3
Tag kis thaum kuv tuaj txog koj lub zos thov nyob tos kuv
nawb mog thov txhob nrog leej twg tham
tsam wb plam txoj kev hlub puag thaum ub wb cog ua ke
koj lub npe sau tso tseg ntawm kuv tes tsis tau ploj tsis tau pawv
lub hnub tawm kuv tuaj lawm tsis txhob txhawj tsis txhob chim ib me chim
kuv tuaj txog nrog koj nyob qhov twg los kuv yeej kam tshuav koj tham
kuv li qub yeej tsis nrug koj xub ntiag ib me pliag oh leej muam hmoob
Mob lub siab mob lub plawv
xav txog koj tsis paub nyob
hauv lub siab hauv lub plawv
nco tshaj plaws nws yog koj
Vim hmo no kuv nco txog koj
me nkauj hmoob tus kuv xav txog
koj puas paub kuv nco koj hmo no