Hnub no koj yuav mus
Kav tsij nrog luag mus kiag mi leejmuam
Thaum xav ntsia ib pliag
Sijhawm tsis txaus rau wb li dhau los
Koj tsis txhob xav tias ntshe kuv tsis hlub koj
Koj tsis txhob xav tias ntshe kuv tsis tshua koj

Yav tag dhau los ces
Zoo li wb los sib paub ib zaug xwb
Kuv xav ua twj ywm
Nplooj siab nplooj ntsws tsis kheev cia koj mus
Yog vim dab tsis tiag thiaj li tsis tau koj
Los yog vim wb txoj hmoo twb los tsis txog…….

Chorus

Cia rau lwm tiam tso
Kuv yuav tos koj xwb

Cia rau lwm tiam tso
Kuv yuav nrhiav koj dua…….

Thaum mus txog saum ntuj
Kuv yuav thov txia ua ib lub hnub qub
Yuav ncig thoob qab ntuj
Kom deev tau koj lub siab li thaum ub
Kuv yuav saib ntsoov koj tsis pub koj rau luag
Kuv mam li zov ntsoov koj yuav thov ua koj luag

Thaum yug los ua neeg
Yuav thov yug los ze tsev neeg yug koj
Kuv mam cim koj cia
Hais tias yav tag tau hlub koj ib zaug
Kuv mam li yuav koj thaum kuv loj hlob tuaj
Kuv mam li saib ntsoov koj tsis pub ntsais ib muag

Chorus

Txawm zoo thiab phem los
Tsuav wb ob leeg tau nyob ua ib ke
Kuv yuav tsis nrug deb
Yuav cia koj thiab kuv wb nyob ze ze
Tsis txhob pub leejtwg los txiav wb kev hlub
Wb thiaj li nyob ua lub neej kaj nrig mus…….

Chorus2X