LYRIC

Twg tsis muaj niam txiv ces tsaus lub ntuj nti
Twg muaj niam txiv ces tshav ntuj nrig
Twg yug los ua ntsuag ces ua neeg dig muag
Tsis muaj chaw cob cuab zoo dua ces tuag

Ntsuag tsis muaj niam txiv luag ntxub luag nto
Luag tias ntsuag nos tu hlob nkim zog
Luag qog luag hnyos tias tsis txhob chwv luag
Luag tsis pluag pluag khaub hlab li ntsuag

Muaj ib pluag qab luag tsis qee
Muaj ib daim tshiab luag pub luag tub tsis pub ntsuag
Luag tias yog luag tub mus khwv thiaj tau
Ntsuag ces tsis muaj tug

Txawm tias ntsuag mob hnyav li cas
Luag tias txav deb tsam ib ntsis mob kis rau luag
Luag tias ntsuag mob ces yog ntsuag tsab tub nkeeg
noj los tsis txhob qee

Luag tsuas xav yuav thaum tshuav lub zog
Luag tsuas nco txog thaum nyob dhia rhees
Luag tsis xav lees thaum mob thaum nkees
Tsis yog luag yug luag twb tsis hlub

Kuv Niam thiab kuv Txiv neb nyob qhov twg?
Thov rov los tos los hlub ntsuag nos
Mus nrog neb nyob hauv neb lub xub ntiag
Ntshai yuav tseg ncua lub neej quaj ntsuag

Yog kuv Txiv neb nyob ntawm no
Ntshai yuav puag nkaus kuv rau hauv neb lub xub ntiag
Es yuav tsis pub yoo tshaib hnav ntuag
Ntshai yuav tsis quaj ntsuag

Yog kuv niam nyob ntiaj teb no
Ntshai yuav puag nkaus kuv es yuav hlub hlub tsis txawg tag
Ntshai yuav nug saib yus mob qhov twg
Ntshai yuav nrhiav tshuaj kho

Yuav saub yuav seev mus txog hnub twg
Kua muag yuav ntws mus ntxiv tav twg
Yog vim lub ntuj los lub ntiaj teb
Vim niam thiab txiv los yog txoj hmoo

Yog tus twg ntsib kev ua ntsuag
Ntshe hais txog xwb kua muag yuav poob tsis txawj tag
Yog tus twg seev nws hnov dheev txog
Ntshai nws yuav quaj nrog

Added by

yang

SHARE

ADVERTISEMENT