Cov laus qhia kuv ntau yam, Hais txog kev ua hluas nraug
Nkauj fa, lawv tsis pub tham, Cuag li nkauj fa muaj taug
Lawv hais tias hluas nkauj, zoo tshaj poj nrauj

Kuv tsis ntseeg li lawv hais, Deev tau ib tug nkauj fa
Nws zoo tshaj ib tsoom ntxhais, Nws thiaj hlub kuv ti txha
Tsis xum nrhiav hluas nkauj, xum kav poj nrauj

Kuv tus poj nrauj, tsis yog neeg dog dig
Zoo tshaj hluas nkauj, zes tau siab ntsws cig
Cov neeg tsis ceev faj, Tej siab ntsws yuav yaj,
Tiam sis nws siab ncaj, Nws tsuas hlub kuv tshaj

Kuv tus poj nrauj, Zoo tshaj hluas nkauj
Nws tus poj nrauj, Zoo tshaj hluas nkauj

Cov laus cheem kuv tas zog, Lawv tsis pub khee luag qub
Lawv xav tias tsis tsim nyog, Yuav mus khaws nkauj fa hlub
Lawv hais tias hluas nkauj, muaj coob muaj ntau

Tiam sis kuv pom qhov tseeb, Nws zoo ua poj ua sev
Nws yuav cig li lub teeb, Kuv lub neej yuav pom kev
Lawv mus nrhiav hluas nkauj, los piv tsis tau