Kheev lam koj hlub kuv ib yam
Lub ntuj los nag los
ntshe lub ntuj yuav kaj
Vim kuv hlub koj tshaj…
xav yog koj nkauj nyab
Mus kom tag txog hnub yaj ua av

Kheev lam kuv yog tus koj vam
Lub tiaj nrag ntshe nws yuav tawg ua paj
Vim kuv hlub koj tshaj…
xav pw koom ua ib txag
Mus kom tag txog hnub yaj ua av

Kuv zaj yeeb yam… kuv luag nyuj nyav
Tsuav lam dag tias koj hlub kuv tshaj..
Lam dag… vim tsis xav plav
Kuv poob kua muag ntshav….
Ua koj tus zoo tav zag
Kuv sab sab kuv lub zog ntaug tag….
Los kuv tseem ncaj tos
txog hnub ua koj ras….

==TOS==

Kheev lam koj hlub kuv ib yam
Me nplooj ntoos nplooj hmav
Ntshe nws yuav tsis txawj daj
Vim kuv hlub koj tshaj…
xav taug raws koj qab
Mus kom tag txog hnub yaj ua av…

Kuv zaj yeeb yam… kuv luag nyuj nyav
Tsuav lam dag tias koj hlub kuv tshaj..
Lam dag… vim tsis xav plav
Kuv poob kua muag ntshav….
Ua koj tus zoo tav zag
Kuv sab sab kuv lub zog qaug tag..
Los kuv tseem ncaj tos
txog hnub ua koj ras….
Kheev lam koj hlub kuv ib yam…