verse 1:
cas koj tus mob tsis txawj zoo li
koj lub ntsej muag pw qi muag nti
tos tau ib hnub dhau ib hli
los koj tsis qhib qhov muag ntsia kuv li
ntshe koj tus ntsuj plig twb mus lawm
tshuav lub plawv tseem ua zog tsis tu xwb

verse 2:
kuv me nkauj txeeg sawv los ma
tej mi paj xyoob paj ntoos tawg hlav tag
me kab me noog twb plhis ya
mus nqaum paj npaum nruas ua npoj ntws
sawv los wb tseev zam seev li yeev
mus kav kiab kav khw nqaum paj nqaum nruas

chorus a:
es yuav mus ncig wb tej chaw
nyob puag saum roob ntsia hauv hav
cua nplawm ntws li yav tag
koj hais kuv hais tias
koj yuav hlub kuv mus kom kawg keeb
yuav tsis muaj hnub koj yuav ncaim kuv mus

verse 3:
kuv me nkauj txeeg tus kuv hlub
cas lub ntuj txawj los nag txawj tshav
cas koj mob koj tsis txawj zoo
yog vim txoj hmoo los yog vim qhov twg
cas koj wb yuav raug txoj hmoo tsis zoo
kua muag poob ntshe yog vim lub ntuj tso

“nkauj txeeg koj sawv lawm lob…
nuj huas puas yog koj…
mm yog kuv ma nkauj txeeg…
nuj huas kuv hais rau koj hais tias ntshe kuv yuav tau tso koj tseg nyob hauv lub ntiaj teb no es lwm tiam wb mam rov los sib hlub dua mog…
nkauj txeeg txhob hais li koj koj yeej tsis ncaim kuv mus li…
nuj huas tsis, tsis txhob quaj mog…kuv, kuv hlub koj…
nkauj txeeg…nkauj txeeg”

chorus b:
kuv me nkauj txeeg kuv tsis kam
koj ncaim kuv mus tseg kuv nyob
tsis muaj koj kuv yuav ua cas
ua neeg nyob os nkauj txeeg
sawv rov los txhob ncaim kuv mus
tseg kuv nyob nco koj na nkauj txeeg

chorus c:
thov lub ntuj tso kuv nkauj txeeg
nws tus ntsuj plig rov qab los
nrog kuv nyob ua lub neej
kom muaj tub muaj ki
kom tsheej lub neej txij nkawm
sib hlub mus kom kawg keeb tso

verse 4:
sim neej no yog tsis muaj nkauj txeeg
ntshe kuv yuav tsis paub ua neeg
nkauj txeeg wb yeej sib hlub tshaj
vim li cas av luaj dag tseem yuav quav
kuv nkauj txeeg fee hlo ntawm kuv xub ntiag
mob kuv siab yuav ntshaw luag muaj txij nkawm

“nkauj txeeg…koj twb hais rau kuv hais tias…wb yuav sib hlub mus kom kawg keeb…yog vim li cas…av luaj dag tseem quav…koj ncaim tseg kuv nyob hauv ntiaj teb no…es kuv yuav nco koj mus txog thaum twg os nkauj txeeg……….nkauj txeeg…