Yuav cia kuv tos
Mus txog hnub twg
Yuav tos koj mus
Ntev npaum li cas

Lub caij ntuj no
Tsis pom koj los
Kuv ntsia qhov twg
Snow dawb vog

Ua rau kuv nco
Txog thaum tseem muaj koj
Txawm no npaum cas
Muaj koj hauv xub ntiag

4 seasons
Yuav tos koj mus txog hnub twg
4 seasons
Los twb tsis pom koj rov los

Lub caij ntuj no
Twb dhau mus lawm
Los tseem tsis pom
Koj rov qab los

Los nag xuj xuav
Ua rau kuv nco txog
Thaum tseem muaj koj
Nyob hauv xub ntiag

Cua tuaj txias zias
Tu siab qhov tsis muaj koj
Xyov kuv yuav tos
Mus txog hnub twg

Lub caij ntuj nag
Twb dhau mus tag
Los twb tsis pom
Koj tig rov qab

4 seasons
Yuav tos koj mus txog hnub twg
4 seasons
Los twb tsis pom koj rov los

Lub caij ntuj so
Nws tshav ntuj nrig
Kuv rov mus ncig
Txog wb tej chaw

Ntsiag to tsis hnov
Koj lub suab luag
Ua rau kua muag
Ntws koj puas paub

Tias kuv tseem nyob
Tos qhov chaw qub
Thaum koj thiab kuv
Wb tseem sib hlub

Lub caij nplooj zeeg
Twb ncig los txog
Tsis pom koj los
Dhau txhua lub caij

4 seasons
Yuav tos koj mus txog hnub twg
4 seasons
Kuv tos koj los dhau 4 seasons