Guy:
koj niam koj txiv, tsis pub koj los hlub kuv
Nkawd ua ciaj ua tuag, rub koj ntawm kuv lub xub ntiag
Txiv cem ntsoom koj, niam saib tsis pub ploj ib pliag
nkawd hais tias kuv, tsuas yog ib niag dev liam

Girl:
Kuv niam kuv txiv, tsis pub kuv los hlub koj
Nkawd txiav tu nrho, rub kuv ntawm koj me nplooj siab
Nkawd cem nkawd ntaus, tsis pub kuv tuaj cuag koj
los tsis txhob poob siab, vim koj yog kuv txoj sia

Guy:
Txawm yuav tau koj, los ntshe nkawd yuav tsis hlub
Nkawd yuav ntxub ntxub, qhov muag dub li nciab
Nkawd yuav tsis nyiam, tsis hu kuv ua nkawd vauv

Girl:
Tsis txhob tu siab, txawm luag yuav tsis hlub wb
Tshuav muaj koj los, nrog kuv nyob ua ib ke
Txhua tsav txhua yam, lub neej yeej yuav ruaj ntseg

Together:
Wb mam sib hlub, sib pab lawm yav tom ntej
Los nyob ua ke, sib hwm mus tag ib txhis
Ua wb lub neej, muaj koob mus nto lub ntsis
Kom muaj ib hnub, nkawd rov nco txog wb

(music plays…….)

2nd Round….

Guy:
Koj niam koj txiv, tsis pub kuv ua nkawd vauv
Nkawd thiaj li ua, txhua yam thaiv wb txoj kev hlub
Hais lus khib khib, chob nkaus hauv kuv me nplooj siab
Tsis xam hais tias, kuv no yog tib neeg thiab

Girl:
Tsis txhob tu siab, nplooj siab tus neeg kuv hlub
Txawm luag tsis pub, los kuv yeej yog koj tug
Yuav sau siab los, nrog koj nyob mus ib txhiv
Yuav tsis cia koj, nyob nrog lub kua muag si

Guy:
Txawm yuav tau koj, los ntshe nkawd yuav tsis hlub
Nkawd yuav ntxub ntxub, qhov muag dub li nciab
Nkawd yuav tsis nyiam, tsis hu kuv ua nkawd vauv

Girl:
Tsis txhob tu siab, txawm nkawd yuav tsis hlub wb
Tshuav muaj koj los, nrog kuv ua ib ke
Txhua tsav txhua yam, lub neej yeej yuav ruaj ntseg

Together:
Wb mam sib hlub, sib pab lawm yav tom ntej
Los nyob ua ke, sib hwm mus tag ib txhis
Ua wb lub neej, muaj koob mus nto lub ntsis
Kom muaj ib hnub, nkawd rov nco txog wb

Ending
Kom muaj ib hnub, nkawd rov nco txog wb