LYRIC

Verses :

Tsim dheev los rua lub qhov muag
Cas hov ua rau kuv poob kua muag
Hnov tsis tau ib lo lus yav tag ces
Yuav ua rau lub siab quaj
Kev sib nco yog qhov zoo tshaj plaws lawm
Tsis tau pom dab tsi zoo tshaj no
Niaj hnub no los lub siab tseem tshua koj
Puag lawm hnub los kuv yuav nco txog

Kuv tseem txog xyoo 99
Thawj zaug thaum kuv hnov koj lub suab
Koj yog ib tug neeg nquag muaj lub siab
Pab rau txhua txhia tus
Txoj kev sib ncaim nrug nyias nyob nyias lawm
Txij hnub ntawv kuv thiaj tsis pom koj
Hnub no kuv rov los txog hauv lub zos
Thiaj rov qab ua rau kuv nco txog

Chorus :

Woooo
Vim yog muaj koj kuv thiaj ua taus neeg nyob
Kev zoo kev phem koj qhia tag nrho rau kuv
Vim muaj koj
Koj tau los hloov txhua leej txhua tus lub neej
Kuv tus neeg zoo nws yog koj
Kuv yuav nco koj txog hnub twg

Verses :

Kev txom nyem kuv ntsib dhau los
Txoj kev zoo kuv pom tsis txog
Niaj hmo pw tos ua npau suav npaj seb
Lub neej no puas yuav zoo
Lub sijhawm tsis muaj tsawg hnub rau kuv ntxiv
Zoo txoj hmoo hov tseem muaj koj los
Kev mob kev nkeeg koj tshem tag nrho
Niaj hnub no lub siab thiaj tsis ntxhov

Chorus

Bridge :

Koj puas paub vim muaj koj
Vim yog muaj koj kuv thiaj ua taus neeg nyob
Txoj hmoo zoo vim yog koj
Kev zoo kev phem koj qhia tag nrho rau kuv
Koj puas hnov vim muaj koj
Koj tau los hloov txhua leej txhua tus lub neej
Kuv tus neeg zoo yog koj
Kuv yuav nco koj txog hnub twg
Kuv yuav nco koj txog thaum twg

Added by

yang

SHARE

ADVERTISEMENT