Txij no mus koj yuav mus yog luag tus txiv
Lub siab khib npaum cas los yuav tau tso cia
Ntawm koj lub me xub ntiag yuav cia rau lwm tus los puag
Txawm quaj npaum twg los koj yeej tsis ntsia rov los

Hmo no mus koj npaj yuav mus rau luag ncoo
Lo lus zoo ntawm koj yuav tsis hnov ntxiv lawm
Yuav tseg kuv lub txaj chaw rau kuv pws ib txias to
Paub li thaum ntxov kuv tsis txhob los yuav koj

Lub ncauj hais tias mam ua ib siab cia koj mus
Los lub kua muag ntws tawm los tsis paub txawj tu
Vim koj yog tus kuv hlub xav zaj twg los siab tsis nqig
Hauv kuv lub neej tsis xav kom muaj leej twg li

Kuv hlub koj tag nrho kuv lub siab lub ntsws
Txawm tias wb yuav txom nyem npaum li cas los
Tshuav muaj koj nrog kuv nyob hauv lub neej yeej zoo lub siab
Vim li cas koj thiaj mus ntshaw tus neeg muaj nyiaj