Txoj Phuam Txoom Suab

Lub sij hawm no
Ntshe yuav muab zwm cia tag tiam no
Nco cia niam ob txais tes
Uas ncav los kho kuv tsoos tsho

Rau hnub uas yog
Kuv lub rooj tshoob rooj kos
Yuav nco cia kuv leej niam
Wb cov kua muag rau hnub no

Niam seev zog qhia
Kuv uas yog nws me leej ntxhais
Hnub no mus ua luag nyab
Yuav mus mloog luag leej niam hais

Yuav tsis muaj
Ntxiv li thaum tseem nrog niam nyob
Yuav mus tsheej ua luag xeem
Nyob tam luag ntxhais lawm os mog

Bridge:
Sawv tim ntsej tim muag nrog kuv niam
Xav cheem kiag cov kua muag kom tu kiag
Lub ncauj cheem hais tsis tau ib lo
Tab sis hauv kuv siab xav qhia kiag rau koj

Chorus:
Kuv tseem xav nrog koj nyob
Ntev dua ntais
Kuv tseem xav yog tus yug
Koj ib leeg khaub ntxhais

Tsis xav kom muab lub npe ntxhais no sib faib (2x)

Ib sij huam
Txawm siv kho txog lub nyiaj xaus
Kho xaus mus rau txoj phuam txoom suab
Yim ua rau kua muag ntws tuaj

Ib ntsais muag
Txawm siv kho tiav kuv tsoos tsho nkauj nyab
Txawm siv txog caij sawv kev
Mus ua lub neej tig tsis tau rov qab

Bridge:
Sawv tim ntsej tim muag nrog kuv niam
Xav cheem kiag cov kua muag kom tu kiag
Lub ncauj cheem hais tsis tau ib lo
Tab sis hauv kuv siab xav qhia kiag rau koj

Chorus:
Kuv tseem xav nrog koj nyob
Ntev dua ntais
Kuv tseem xav yog tus yug
Koj ib leeg khaub ntxhais

Tsis xav kom muab lub npe ntxhais no sib faib (4x)

Ntuj tsim tau
Kuv los yog ib tug ntxhais
Tiam sis tib neeg yog tus tsim tau txoj cai

Kuv xav thim
Tsis kam mus nyob nrog luag
Los niam twb kho tiav
Kuv txoj phuam txoom suab